SALIMBAYAN

SALIMBAYAN ito ay isinagawa sa UP Manila Kamakailan
Pinagunahan ng Programa ng Araling Pangkaunlaran
Mga Guro ng Pamantasan, nakipag-SALIMBAYAN
Sa mga kinatawan ng mga sektor ng ating lipunan.

Layunin ng nasabing talakayan
Rebisahin at paunlarin ang kurikulum ng Araling Pangkaularan
Upang sumuporta at makatugon
Sa panawagan at interes ng mga inaaping sektor.

Sa maghapong talakayan at palihan
Naging mabunga ang mga usapan
Naging malaya ang palitan ng mga kuru-kuro
Upang higit pang mapahusay ang nilalaman ng mga kurso.

SALIMBAYAN lalo nitong pinatitibay
Ugnayan ng akademya at ng lipunan
Layunin ng Araling Pangkaunlaran
Higit pang ilapit ang Akademya sa mamamayan.

SALIMBAYAN at ang ARALING PANGKAUNLARAN
Handa na sa darating na pasukan
Natuto ang mga guro sa mamamayan
Upang isulong ang edukasyong Makamasa, Siyantipiko at Makabayan.

Reggie Vallejos

July 10, 2014